هم آی سؤنوبدو، هم اولدوز چیراق- چیراق نازلیم
آلا گؤزوندن ایراق سئوگیلیم، ایراق نازلیم
گلنده ده گونشی پای گتیر کی ظولماتدیر
و جانتاییمدا دا دای یوخدو بیر چیراق نازلیم
هانی باهار هاوالی سئرچه لر، سیغیرچینلار؟
هانی بو باغچادا باغدا او سس-سوراق نازلیم؟
ساچیندا سئودا پریشانلیغین گؤره بیلمم
قاییت، قاییت یئنه سن آینا، من داراق نازلیم
تیکان بیتیر باخیشیمدان آخی علاجیم یوخ
کی اللریم آسیلیبدی اوراق- اوراق نازلیم
باخیشلاریندا بئشیکلنمیش آل گونشله، قاییت
هم آی سؤنوبدو، هم اولدوز چیراق-چیراق نازلیم
بهترین شعرهایی که خوانده ام...برچسب : نویسنده : jeyhoon20a بازدید : 96